ബഹുമാനപ്പെട്ട സർവ്വശ്രീ നരേന്ദ്ര മോദി , അമിത് ഷാ , സാറ് മാരെ , നിങ്ങളുടെ മൗനാനുവാദത്തോടെ , നിങ്ങൾ സ്വന്തമെന്ന് വിളിക്കുന്നവർ പീഡിപ്പിക്കുന്ന യേശുക്രിസ്തുവിനെ വിശ്വസിക്കുന്ന ക്രൈസ്തവ സഭാമക്കൾ നിങ്ങളുടെ അറിവിലേക്കായി സമർപ്പിക്കുന്ന തുറന്ന കത്ത്. ഈ ഇരുപത്തൊന്നാം നൂറ്റാണ്ടിലും ഇന്ത്യയിൽ ലക്ഷക്കണക്കിനാളുകൾ ഉടുതുണിയും ഭക്ഷണവും മരുന്നും വിദ്യാഭ്യാസവും പാർപ്പിടവുമില്ലാതെ ജീവിക്കുന്നുണ്ട്! അങ്ങനെവരുമ്പോൾ 100 , 500 , 1000 , 2000 , വർഷങ്ങൾക്ക് മുൻപുള്ള അവസ്ഥ എത്ര ദയനീയമായിരിക്കും? അന്നൊക്കെ ഇന്ത്യയിൽ വന്ന ക്രിസ്ത്യൻ മിഷ്നറിമാർ കണ്ടത് ഉടുതുണിയും ആഹാരവുമില്ലാത്ത കൂനിക്കൂടിയിരിക്കുന്ന ഞങ്ങളുടെ പൂർവ്വികരെയായിരുന്നു എന്നത് തുറന്ന് പറയാൻ ഞങ്ങൾക്ക് യാതൊരു മടിയില്ല! (ഒരുപക്ഷെ നിങ്ങളുടെ പൂർവീകരും അങ്ങനെയായിരിക്കാം!) മിഷനറിമാർ കഴുത്തിലൂടെകയറുന്ന തണുപ്പിനെ അകറ്റാൻ കോളർ മുറുക്കി കെട്ടിയിരുന്ന ടൈ അഴിച്ചു കോണകം ഉടുപ്പിച്ചപ്പോഴായിരുന്നു അന്നത്തെ പൂർവ്വീകരുടെ നാണം മറഞ്ഞത്! അവർ നൽകിയ മൈസ് പൊടിയുടെയും ഗോതമ്പിന്റെയും ബലത്തിലാണ് പൂർവ്വീകരുടെ ആസനത്തിൽ കെട്ടിയിരുന്ന എട്ടുകാലിവല പൊട്ടിയത്! അവർ കൊടുത്ത കമ്പിളിയുടെ ചൂടാണ് ഇന്നത്തെ തലമുറ ലോകം കാണാൻ അവസരമൊരുക്കിയത്! പെൻസിലും പേനയും അക്ഷരങ്ങളും ആദ്യമായി കാണുന്നത് മിഷണറിമാരിലൂടെയാണ്! ഞങ്ങളുടെ വയറ്റിലുള്ള ബാക്റ്റീരിയകൾക്കും കൃമികൾക്ക് പോലും ഈ സത്യമറിയാം! അവരുടെ ആനുകൂല്യം സ്വീകരിച്ചവരിൽ 2% മാത്രമാണ് ക്രിസ്ത്യാനികളായത്! ആനുകൂല്യം കൊടുത്താൽ എല്ലാവരും ക്രിസ്ത്യാനികളാകുമെങ്കിൽ ഇന്ത്യയിൽ ഇന്ന് 100% വും ക്രിസ്ത്യാനികളേ കാണുമായിരുന്നുള്ളൂ! എന്നാൽ പൂർവീകരും ഞങ്ങളും ക്രിസ്ത്യാനികളായത് യേശു സത്യദൈവമാണെന്ന് തിരിച്ചറിഞ്ഞതുകൊണ്ടാണ്! ഞങ്ങൾ മതം മാറിയവരല്ല , ജാതിമതം ഉപേക്ഷിച്ചവരും മനം മാറി ക്രിസ്തുമാർഗ്ഗത്തിൽ ജീവിക്കുന്നവരുമാണ്! കഴിഞ്ഞ ദശകത്തിലും ഞങ്ങളുടെ അമ്മമാരുടെ കൂടെ മൈസ് പൊടിയും പാൽപ്പൊടിയും വാങ്ങാൻ ക്യു നിന്നിരുന്ന എത്രയോ അക്രൈസ്തവ സഹോദരിമാരുണ്ടായിരുന്നു! അവരാരും ക്രിസ്ത്യാനികളാകാതെയാണ് ഇപ്പോഴും ജീവിക്കുന്നത്! പക്ഷേ അവർക്കിപ്പോഴും ക്രിസ്ത്യാനികളോട് ബഹുമാനവും നന്ദിയുമുണ്ട്! എന്നാൽ അതെല്ലാം മറന്നുപോയതോ അറിയാത്തതോ ആയ പുതു തലമുറയിൽപ്പെട്ട കുറച്ചുപേർ അടുത്ത കാലത്തായി ക്രിസ്ത്യാനികളെ പീഡിപ്പിക്കാനും ഓടിക്കാനും ശ്രമിക്കുന്നത് നിങ്ങൾക്ക് അറിഞ്ഞുകൂടാതില്ല! ഞങ്ങൾ ഭാരതീയരല്ലേ? ഞങ്ങൾക്കും ഇവിടെ ജീവിക്കാൻ അവകാശമുണ്ട്! മനുഷ്യരുടെ ഔദാര്യമല്ല , കർത്താവിന്റെ തെരഞ്ഞെടുപ്പാണ് ഇന്ത്യയിൽ ഞങ്ങൾ ജീവിക്കുക എന്നുള്ളത്! അതിനാണ് ഇവിടെ ജനിപ്പിച്ചത്! ഞങ്ങൾ അന്യഗ്രഹ ജീവികളല്ലല്ലോ! ഇവിടെ എല്ലാവരും ( ഞങ്ങളും നിങ്ങളും )കുടിയേറ്റക്കാരായ വിദേശികളാണ്! ഇന്ത്യയിൽ ഒരു മാനവ വംശം ആരംഭിച്ചിട്ടില്ല! ആദ്യം വന്നവർക്കേ ഇവിടെ ജീവിക്കാൻ അവകാശമുള്ളൂ എങ്കിൽ ആദിവാസികളായ ദ്രാവിഡർക്കാണ് അങ്ങനെ പറയാനുള്ള അവകാശം! അവരെ നിങ്ങൾ അവർണ്ണർ എന്ന് പറഞ്ഞ് അടിച്ചമർത്തി! അക്കാരണത്താൽ നിങ്ങൾക്ക് ഇവിടെ ജീവിക്കാനുള്ള അതേ സ്വാതന്ത്ര്യം ഞങ്ങൾക്കുമുണ്ട്! ന്യൂനപക്ഷം എന്നപേരിലാണ് ക്രിസ്ത്യാനികൾളെ വേണ്ടാത്തതെങ്കിൽ അവർ ലോകത്തിന് നൽകിയ സംഭാവനകൾ സ്വീകരിക്കുന്നതെന്തിന്? നിങ്ങൾ ക്രിസ്ത്യാനികളെ കൊല്ലാനും പള്ളി പൊളിക്കാനും അണികളെ ആഹ്വാനം ചെയ്യുന്ന ഹിന്ദി ഭാഷ ഹിന്ദുസ്ഥാനിയിൽനിന്ന് മിഷനറിമാർ രൂപീകരിച്ചതാണ്! നിങ്ങൾ ലോകമാകെ വിനോദയാത്ര നടത്തുന്നത് പുരാണത്തിലെ പുഷ്പക വിമാനത്തിലല്ല , ക്രിസ്ത്യാനികൾ വികസിപ്പിച്ച കോപ്റ്ററിലും വിമാനത്തിലും കാരവാനിലുമാണ്! നിങ്ങൾ സ്ത്രീ സംരക്ഷണം ഉറപ്പാക്കുന്നത് ലക്ഷ്മണരേഖ വരച്ചിട്ടല്ല , കർത്താവായ ദൈവം മോശയിലൂടെ വെളിപ്പെടുത്തിയ നിയമസംവിധാനത്തിലൂടെയാണ്! നിങ്ങൾ ഉപയോഗിക്കുന്ന ജീവൻരക്ഷാ ഉപകരണങ്ങളും മരുന്നുകളും യഹൂദരിലൂടെയും ക്രിസ്ത്യാനികളിലൂടെയും കർത്താവ് എല്ലാവർക്കുമായി വെളിപ്പെടുത്തിയവയാണ്! അത്‌ ആർക്കും കൊടുക്കാതെ അവർ സ്വന്തമായി വെച്ചില്ല! പാമ്പ് കടിച്ചാൽ ജീവൻ തിരിച്ചുകിട്ടാനായി നിങ്ങൾ കൊടുക്കുന്നത് പാലാഴി അമൃതല്ല , ഫ്രഞ്ച് ഡോക്റ്റർ ആൽബർട്ട് കാൽമെറ്റിലൂടെ വെളിപ്പെട്ട ആന്റിവെനമാണ് ! നായ കടിച്ചാൽ ഭ്രാന്തിളകാതിരിക്കാൻ നിങ്ങൾ കൊടുക്കുന്നത് ചരകസംഹിതയിൽ പറയുന്ന കഷായമല്ല , ക്രിസ്ത്യൻ മിഷ്നറിയായ ലൂയി പാസ്റ്ററിലൂടെ കർത്താവ് വെളിപ്പെടുത്തിയ വാക്സിനാണ്! അതേകർത്താവ് ജാതിമത ഭ്രാന്ത് ഇല്ലാതാക്കാൻ മിഷനറിമാരിലൂടെ കൊടുത്തുവിട്ട വാക്സിനാണ് സ്നേഹവും കരുണയും നിസ്വാർത്ഥതയും ഏകദൈവ വിശ്വാസവും പരസഹായവും! അത്‌ സന്തോഷത്തോടെ സ്വീകരിച്ച മുൻകാല ഭാരതീയരുടെ മനസ്സിൽ കഴിഞ്ഞനാൾ വരെ ക്രിസ്തീയ വിരോധത്തിന്റെ ഭ്രാന്ത് പിടിച്ചിട്ടില്ലായിരുന്നു! ഇന്ന് നിങ്ങൾ വർഗീയതയുടെ റാബീസ് വികസിപ്പിക്കുകയും അത്‌ പാവപ്പെട്ട നിരക്ഷരുടെ രക്തത്തിൽ കുത്തിവെച്ച് ഭ്രാന്ത് പിടിപ്പിച്ച് ക്രിസ്ത്യാനികളെ വകവരുത്തുകയും മതഭ്രാന്തരെ സൃഷ്ടിക്കുകയും ചെയ്യുന്നു! കോടികളുടെ സമ്പത്തുണ്ടായിട്ടും അതെല്ലാം വേണ്ടെന്ന് വെച്ച് , എല്ലാ സുഖ സൗകര്യങ്ങളും ഉപേക്ഷിച്ച് , പ്രതികൂല കാലാവസ്ഥയോടും പകർച്ചവ്യാധിയോടും ദാരിദ്ര്യത്തോടും കൂട്ടുകൂടി സാധുക്കളെ സഹായിക്കാൻ ഇറങ്ങിയിട്ടുള്ള അനേകായിരങ്ങൾ ലോകത്തിലും ഇന്ത്യയിലും മിഷനറിമാരായി പ്രവർത്തിച്ചിട്ടുണ്ട് , പ്രവർത്തിക്കുന്നുണ്ട്! മിഷ്നറിമാർ കഴിഞ്ഞ 2000 വർഷമായി കടന്നുവന്ന പീഡനത്തിന്റെ ചരിത്രം അറിഞ്ഞുകൂടാത്തവരല്ല അവർ ! ഏത് പീഡനത്തെയും നേരിടാൻ -- സഹിക്കാൻ -- കർത്താവിന്റെ സ്നേഹം ഞങ്ങളെ നിർബന്ധിക്കുന്നു! അത്തരത്തിൽപ്പെട്ട ചില പേരുകേട്ട മിഷനറിമാരാണ് നിങ്ങളുടെ സ്വന്തക്കാരെന്ന് പറയുന്നവർ ചുട്ടുകൊന്ന ഗ്രഹാം സ്റ്റൈൻസും മക്കളും റാണി മരിയയും സ്റ്റാൻസാമിയും മറ്റും! കൂടാതെ നൂറുകണക്കിന് വിശ്വാസികളെ കൊന്നു തള്ളിയിട്ടുണ്ട്! ഇന്ന് പള്ളികളും പള്ളിക്കൂടവും പോലും ആക്രമിച്ചുകൊണ്ടിരിക്കുന്നു! അനേകരെ അകാരണമായി കള്ളക്കേസുണ്ടാക്കി ജയിലിലടച്ചുകൊണ്ടിരിക്കുന്നു! കോവിഡ് കാലത്ത് എത്ര അമ്പലങ്ങൾ ഐസൊലേഷൻ കേന്ദ്രങ്ങളാക്കാൻ വിട്ടുകൊടുത്തു? പകരം പള്ളികളും പള്ളിക്കൂടങ്ങളുമല്ലേ അനേകരെ സംരക്ഷിക്കാൻ ഉപയോഗപ്പെടുത്തിയത്? ഇന്നും ഒരു പ്രകൃതി ദുരന്തമുണ്ടായാൽ ക്രിസ്ത്യൻ സ്ഥാപനങ്ങളും സേവനങ്ങളുമല്ലേ ജനങ്ങൾക്ക് സഹായമായി മാറുന്നത്? എന്നിട്ടും നിങ്ങൾ അധികാരത്തിനുവേണ്ടി കൂട്ടുപിടിച്ചരിക്കുന്ന മതതീവ്രവാദികളുടെ അക്രമണത്തിനുമുന്നിൽ മൗനം പാലിക്കുന്നു! അവരെ അക്രമത്തിന് പ്രേരിപ്പിക്കുകയും പരിശീലിപ്പിക്കുകയും ചെയ്യുന്നു! നിങ്ങളുടെ അധികാരത്തെ ഞങ്ങൾ അംഗീകരിക്കുന്നതോടും അനുസരിക്കുന്നതോടുമൊപ്പം ഒരു കാര്യം നിങ്ങളെ അനുസ്മരിപ്പിക്കുന്നു ! ഞങ്ങളെ ഭരിക്കാൻ മാത്രമേ നിങ്ങൾക്ക് സാധിക്കൂ! ഞങ്ങളെ ഏത് പ്രതിസന്ധിയിലും പരിപാലിച്ചു മുന്നോട്ടു നയിക്കുന്നത് ഞങ്ങളുടെ കർത്താവാണ്! ഞങ്ങളുടെ സംരക്ഷണം അവന്റെ കയ്യിലാണ്! സാധാരണക്കാരെ രക്ഷിക്കാൻ നിങ്ങൾക്ക് കഴിയുമായിരുന്നെങ്കിൽ പ്രാഥമിക ആവശ്യങ്ങൾപോലും നിറവേറ്റാൻ ഇല്ലാത്തതിന്റെ പേരിൽ ഇവിടെ ജനങ്ങൾ ആത്മഹത്യ ചെയ്യുകയില്ലായിരുന്നു! ജീവിക്കാൻവേണ്ടി സ്ത്രീകൾ ശരീരം വിൽക്കുകയില്ലായിരുന്നു! ഒരു നേരത്തെ അന്നത്തിനുവേണ്ടി മോഷ്ടിക്കുകയില്ലായിരുന്നു! അധികാരംകൊണ്ട് നിങ്ങൾ നിങ്ങളുടെ സുരക്ഷ മാത്രം ഉറപ്പിച്ചിരിക്കുന്നു! അതുകൊണ്ട് ഞങ്ങൾക്കറിയാം ഞങ്ങളെ രക്ഷിക്കുന്നവനും സംരക്ഷിച്ചു പരിപാലിക്കുന്നവനും ഞങ്ങളുടെ കർത്താവാണെന്ന്! അവന്റെ ആഹ്വാനപ്രകാരമാണ് നാടിനും നാട്ടുകാർക്കും വേണ്ടി ഞങ്ങൾ ശുശ്രൂഷ ചെയ്യുന്നത്! അക്കാരണത്താൽ ഞങ്ങളെ ആക്രമിക്കുന്നതും ഞങ്ങളുടെ വിശ്വാസത്തെ അടിച്ചമർത്തുന്നതും നിർത്താൻ നിങ്ങൾ സ്വന്തമെന്ന് വിളിക്കുന്ന നിങ്ങളുടെ മതവർഗ്ഗീയവാദികളോട് കല്പിക്കുക! പ്രതികാരം ചെയ്യാനും അക്രമത്തിനും കർത്താവ് ഞങ്ങളോട് കല്പിച്ചിട്ടില്ല! അതുകൊണ്ട് വളരെക്കാലമായി നിങ്ങളുടെ സ്വന്തക്കാരുടെ പീഡനം ഞങ്ങൾ സഹിച്ചുകൊണ്ടിരിക്കുന്നു! എത്ര ദ്രോഹിച്ചാലും ജനിച്ചമണ്ണ് വിട്ട് ഞങ്ങൾ എങ്ങോട്ടും പോവുകയില്ല! ആകപ്പാടെ പോകാനുള്ളത് കർത്താവിന്റെ സന്നിധിയിലേക്ക് മാത്രം! അതുകൊണ്ട് ഞങ്ങൾക്ക് കർത്താവ് തന്നിരിക്കുന്ന സമയവും സ്വത്തും കർത്താവ് അനുവദിക്കുന്നതുവരെ ഉപയോഗപ്പെടുത്താൻ നിങ്ങൾക്ക് ലഭിച്ചിരിക്കുന്ന അധികാരം ഉപയോഗപ്പെടുത്തി മത തീവ്രവാദികളുടെ അക്രമത്തെ തടയുക! ഇല്ലെങ്കിൽ നിരപരാധികളുടെ നിലവിളി കേൾക്കുന്ന വിധിയാളന്റെ ഇടപെടൽ നിങ്ങൾ കാണേണ്ടിവരും! തന്റെ മക്കളെ ദ്രോഹിക്കുന്നവരോട് യേശുക്രിസ്തു മുന്നറിയിപ്പ് നൽകിയിരിക്കുന്നത് , *ഇരുമ്പാണിമേൽ തൊഴിക്കുന്നത് അപകടമാണ്" എന്നാണ്* അതിന്റെ പ്രത്യാഘാതം ഭയാനകമായിരിക്കും! ലോക ചരിത്രം അതിന് സാക്ഷിയാണ്! കാരണം , ഞങ്ങൾ വിശ്വസിക്കുന്നത് ജീവനുള്ള ദൈവത്തെയാണ്! ഇത് ഭീഷണിയല്ല , ഓർമപ്പെടുത്തൽ മാത്രം! നിങ്ങൾ ഈ വിഷയത്തിൽ തീരുമാനമെടുക്കുന്നതുവരെയോ കർത്താവ് തീരുമാനിക്കുന്നത് വരെയോ ഞങ്ങൾ ഇത് എല്ലാവരിലേക്കും എത്തിച്ചുകൊണ്ടേയിരിക്കും! എന്ന് ഭാരതീയ ദേശവാസികളായ ക്രിസ്തുവിശ്വാസികൾ! ജയ് ക്രൈസ്റ്റ്! ജയ് ഭാരത്! ✝️ ഷെയർ ചെയ്യാൻ മറക്കല്ലേ 🙏🏻 കടപ്പാട് 🙏

ഇത് മലയാളത്തിൽ എഴുതിയത് നന്നായി. മോദിയും അമിട്ടുഷായും ഇത് വായിക്കും - ചാണക്യൻ

പേരു വെക്കാതെ ആണെങ്കിലും, വോട്ടർ എന്ന അപരനാമത്തിൽ എഴുതിയ ഈ അടിക്കുറിപ്പ് 100% ശരിയാണ്. ഇത് ദയവായി മലയാളത്തിലും, ഇംഗ്ലീഷിലും, മറ്റെല്ലാ ഇന്ത്യൻ ഭാഷകളിലും തർജിമ ചെയ്തത് ദയവായി പ്രസിദ്ധീകരിക്കുക. ഇപ്പോഴത്തെ പല ആൾക്കാർക്കും ഇതൊന്നും അറിയില്ല അല്ലെങ്കിൽ അവർ സമ്മതിക്കുകയില്ല, അവർ മനപ്പൂർവം എല്ലാം മറക്കുന്നു. ഇന്ത്യ എല്ലാവരുടേതുമാണ്. അവിടെ എല്ലാ മതക്കാർക്കും ജീവിക്കണം. ഒരു മതേതര രാജ്യമാണ് ഇന്ത്യ. മതമില്ലാത്തവരും അവിടെ ജീവിക്കണം. നിരീശ്വരന്മാരും അവിടെ ജീവിക്കണം. മോഡിയും കൂട്ടരും പറയുന്നത് അതിഭയങ്കര കള്ളമാണ്. അവിടുത്തെ ക്രിസ്ത്യൻ മതപീഡനം അവസാനിപ്പിക്കണം. വീണ്ടും എഴുതുക.

BJP will win in Trivandrum. Tharoor will be in the third place. Congress will not be ruling India and to vote for Tharoor will be a total waste.