ക്ഷയരോഗ നിയന്ത്രണ പ്രവര്ത്തനങ്ങള്ക്ക് കരുത്തേകുവാന് സംസ്ഥാന ആരോഗ്യ വകുപ്പിന് കീഴിലുള്ള ക്ഷയരോഗ നിവാരണ പദ്ധതിയില് ചലച്ചിത്ര താരം മോഹന്ലാല് ഗുഡ് വില് അംബാസഡര് ആകും .
കോവിഡിനൊപ്പം മറ്റു ആരോഗ്യ പ്രശ്നങ്ങളും സമൂഹത്തിലുണ്ട്. അതിലൊന്നാണ് ക്ഷയരോഗം.
2025ഓടുകൂടി ക്ഷയരോഗ നിവാരണം എന്ന ലക്ഷ്യത്തിലെത്താന് സംസഥാന സര്ക്കാര് 'എന്റെ ക്ഷയരോഗ മുക്ത കേരളം പദ്ധതി' നടപ്പിലാക്കി വരികയാണ്.
ക്ഷയരോഗത്തിന്റെയും കോവിഡിന്റെയും പ്രധാന ലക്ഷണങ്ങള് ചുമയും പനിയും ആയതിനാല് ക്ഷയരോഗം കണ്ടെത്തുന്നതില് കാലതാമസം അനുഭവപ്പെടുന്നുണ്ട്.
ഇത് മുന്നില് കണ്ടാണ് ക്ഷയരോഗ ബാധിതരെ കണ്ടെത്തുന്നതിനുള്ള കാമ്ബയിന് ആരംഭിച്ചതെന്നും ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് ആണ് അറിയിച്ചു.
ക്ഷയരോഗ നിവാരണത്തോടൊപ്പം ക്ഷയരോഗ ബാധിതരോടുള്ള കാഴ്ചപ്പാടുകളും വിവേചനങ്ങളും ഇല്ലാതാകാന് സമൂഹം ഒരുമിച്ചു നില്ക്കേണ്ടതുണ്ടെന്ന് മോഹന്ലാല് അഭിപ്രായപ്പെട്ടു.
നമ്മള് പ്രളയത്തെയും മറ്റു മഹാമാരികളെയും വളരെ വേഗം അതിജീവിച്ചവരാണ്. ക്ഷയരോഗ നിര്മ്മാര്ജ്ജനവും അതുപോലെ തന്നെ സാധ്യമാക്കാന് നമ്മുക്ക് കഴിയുമെന്നും മോഹന്ലാല് വ്യക്തമാക്കി.
രാജ്യത്തെ മികച്ച മാതൃകാ പദ്ധതിയായി സംസ്ഥാന ആരോഗ്യവകുപ്പ് ക്ഷയരോഗ നിവാരണത്തിനായി നടത്തിവരുന്ന 'അക്ഷയകേരളം' പദ്ധതിയെ കേന്ദ്ര സര്ക്കാര് അടുത്തിടെ തെരഞ്ഞെടുത്തിരുന്നു.