ന്യൂയോർക്ക്: ന്യൂയോർക്കിലുള്ള ഇന്ത്യൻ വംശജർ ഡൊണാൾഡ് ട്രംപ് ജൂനിയറിനു ന്യൂയോർക്ക് മരിയോട്ട് ഹോട്ടലിൽ സ്വീകരണം നൽകി. അമേരിക്കയുടെ സുരക്ഷിതമായ ഭാവിക്ക് വേണ്ടിയും ആത്മീയ മൂല്യങ്ങൾ ഉയർത്തിപിടിക്കാനും ഡൊണാൾഡ് ട്രംപിന് വോട്ടു ചെയ്യണം എന്ന് അഭ്യർഥിച്ച അദ്ദേഹം ഇന്ത്യൻ സമൂഹത്തിനു എല്ലാ ഭാവുകങ്ങളും നേർന്നു.
ന്യൂയോർക്കിലെ വ്യവസായിയും ചലച്ചിത്ര നിർമാതാവും ആയ ടോം ജോർജ് കോലത്തു യോഗത്തിൽ സംസാരിച്ചു. സമാധാനത്തിനുള്ള നോബൽ സമ്മാനം ട്രംപിന് ലഭിക്കണമെന്ന് ടോം ജോർജ് പറഞ്ഞു. കഴിഞ്ഞ 4 വർഷം ഒരു രാജ്യവുമായി യുദ്ധം തുടങ്ങിയില്ല എന്നു മാത്രം അല്ല ഉണ്ടായിരുന്ന പ്രശനങ്ങൾ പരിഹരിക്കാനും മുൻകൈ എടുത്തു എന്നത് നിസാരമല്ലെന്നദ്ദേഹം അദ്ദേഹം കൂട്ടി ചേർത്തു.
ട്രംപ് ചെയ്ത കാര്യങ്ങൾക്ക് വേണ്ടത്ര പ്രചാരണം ലഭിക്കുന്നില്ല. ഉദാഹരണത്തിന് അൽ ബാഗ്ദാദി എന്ന കൊടും ഭീകരന്റെ പദ്ധതികൾ വിഫലമാക്കി, ഒരു വൻ ദുരന്തത്തിൽ നിന്നു രക്ഷിച്ച ട്രംപ്, 2 മാസം മുൻപ് ചൈന ഇന്ത്യയെ ആക്രമിച്ചു 23 സൈനികരെ വധിച്ചപ്പോൾ ആരും ഇന്ത്യയെ അനൂകൂലിക്കാത്തപ്പോൾ വ്യത്യസ്തമായ ശബ്ദം പ്രസിഡന്റ് ട്രംപിന്റെ മാത്രം ആയിരുന്നു. 'ഇന്ത്യക്കാരെ അക്രമിക്കരുത്, കാരണം അവർ എന്റെ സുഹൃത്തുക്കൾ ആണ്, ഇന്ത്യയോട് ഒപ്പം അമേരിക്ക ഉണ്ടാവും,' എന്നാണ് പറഞ്ഞതു. ഒരു ഇന്ത്യൻ വംശജൻ എന്ന നിലയിൽ നിങ്ങൾക്ക് ട്രംപിന് വോട്ടു ചെയ്യാൻ വേറെ ഒരു കാരണവും വേണ്ട-ടോം ജോർജ് പറഞ്ഞു
ഇന്ത്യയുമായുള്ള ബന്ധം ദൃഢമായി തുടരാനും ചൈനീസ് ആക്രമണം തടയാനും, ലോക സമാധാനം നിലനിർത്താനും ട്രംപ് ജയിക്കേണ്ടത് അത്യവശ്യം ആണ്. കഴിഞ്ഞ 4 വർഷമായി ഒരു രാജ്യത്തോടും യുദ്ധം ചെയ്യാത്ത, നിലവിൽ പ്രശനങ്ങൾ ഉണ്ടായിരുന്ന രാജ്യങ്ങളുമായി രമ്യതയിൽ എത്തിയ, ഇസ്രായേൽ-അറേബ്യൻ പ്രശനങ്ങൾ പരിഹരിക്കാൻ മുൻകൈ എടുത്ത ആദ്ദേഹം പ്രസിഡന്റ് ആയി തുടരുന്നത് അമേരിക്കയുടെ യസ്സസ് ഉയർത്തും എന്നതിൽ സംശയം ഇല്ല-ടോം ജോർജ് പറഞ്ഞു